छत्तीसगढ़िया क्रांति सेना अऊ जोहार छत्तीसगढ़ पार्टी के जिला स्तरीय बइठका होइस संपन्न
जांजगीर-चांपा -28/12/25
छत्तीसगढ़िया क्रांति सेना अऊ जोहार छत्तीसगढ़ पार्टी के जिला स्तरीय बइठका दिल्ली आईएएस एकेडमी, जांजगीर मं सफलतापूर्वक संपन्न होइस।
ए बइठका मं संगठन के मजबूती अऊ विस्तार बर विस्तार ले गोठ-बात होइस। ए अवसर मं जिला के कई *महिला संगवारी/दीदी/माता नारी शक्ति मन संगठन के सदस्यता ग्रहण करिन, जेन ह संगठन बर एक बड़ उपलब्धि आय।
बइठका मं छत्तीसगढ़िया अस्मिता, सामाजिक न्याय अऊ जनहित के मुद्दा मं संगठित संघर्ष के जरूरत ऊपर जोर देय गीस। महिला मन के सक्रिय भागीदारी ला संगठन के मजबूती के आधार बतावत, आगे के आंदोलन अऊ कार्यक्रम मं ओमन ला महत्वपूर्ण जिम्मेदारी देय के संकल्प लेय गीस।
अंत मं सबो उपस्थित संगवारी मन संगठन ला अउ मजबूत करे अऊ छत्तीसगढ़िया समाज के हक-अधिकार बर एकजुट होके काम करे के संकल्प लेयिन।
बैठका में जिला बैठक प्रभारी डॉ संजय कुमार के अगुवाई में संपन्न होईस जेमा भोले सिंह मरावी, अभिषेक राठौर,कुंजन केंवट, सरोज यादव, दिलेश्वर साहू, भूपेन्द्र बघेल,आयूष यादव, भास्कर कश्यप,आऊ प्रमुख सेनानी साथ म महिला सेनानी (नारी शक्ति) मन भी उपस्थित रहिन
